بلاش ما ينحاش طباعة
الكاتب: أزهر جرجيس   
الأربعاء, 23 نيسان/أبريل 2014 18:06

 

dlkgjtlgjktlg
لايجوز تكرار النشر دون الاشارة لمجلة سطور

 

بألمانيا وباقي دول أوربا يجبرون مواطنيهم على دفع فاتورة سنوية لمجرّد اقتناء تلفزيون حتى لو ما يستخدموه. و اكو فرق جوّالة تقوم بمداهمات على البيوت للتفتيش عن أجهزة تلفزيون غير مسجلة. أما الباقات الرياضيّة فلها اشتراك خاص وباهض الثمن لا يقدر عليه الكثير فيضطرّون لمشاهدة المباريات المهمة عن طريق المواقع الألكترونيّة.
يمعوّدين الناس هنا تدفع فواتير للدولة علمود رفع النفايات، وضريبة سنويّة عالية عن السيّارات فقط من أجل استخدام الطريق ، هذا غير فواتير الماء والكهرباء والتأمين الإجباري، زائداً ضريبة الدخل الّي توصل احياناً الى ٦٠٪ . فَشلون تصدگون اكو خيّر يشتري حقوق بث بملايين الدولارات و يعرض مجاناً بثواب حبّوبته؟!
هاي الدول قائمة على مبدأ: بلاش ما ينحاش.