Facebook
شگد اتمنى اروح لايطاليا PDF طباعة أرسل إلى صديق
الكاتب: صالح الحمداني   
الإثنين, 04 آذار/مارس 2013 22:16

 

sal7al7mdane
لايجوز تكرار النشر دون الأشارة لمجلة سطور

 

اروح اشوف بنات عم صوفيا لورين، و كلوديا كاردينالي، وأريد أمر على بيت بيلوتشي، وأوگف ببابهم ، بلكي يطلع أبوهم ( بيلو ) ، أرد أگله : عمي بيلو ، بنتك مونيكا دمرتنه، وترى ما يصير هيچي، إنتم ( الطليان ) هم وادم عشاير، وهذا الفلك السوته بتكم أبد ما ينسكت عليه، لو تردون عايلكم، لو ماكو ترى نسويها : خنين !

وأريد أشوفلي مطعم مال بيتزا، وأدخل آكلي فد وحده حجم عائلي، ووياها ( قرابيّه ) مال كوكا كولا، وإنوب أروح لأبو الچاي أخليه يصبلي گلاص ( بالخمسينه ) ويسويلي نرگيله ٥ تفاحات ورمانه وعلچ، ويحطلي سفن أب بمكان الماي مال النرگيله، وأحطلي كرسي، وأگعد رجل على رجل ب ( الرِكِن )، و ( أتنوّع ) أريد أشوف الله شخالق من بشر، أريد أشوف القوالب العدهم نفس العدنه، هم كله ستيرن يمنه ومحوّر، لو كله ( شد بلاده ) ؟