Facebook
نعم للجاجيك....لا للطائفية PDF طباعة أرسل إلى صديق
الكاتب: معتز بالله   
الجمعة, 21 أيلول/سبتمبر 2012 19:30

jajek
الجاجيك يوحد العراقيين

يمكن هواية من العراقيين ما يعرفون من وين جاية تسمية المزّة العراقية الوطنية (جاجيك).. إللي توحد أهل العرگ بكل العراق..الدعوچي والقومچي...السني والشيعي...التلكيفي والبعشيقي..الكلداني والأش

وري..الناصري ..الصابئي والشبكي..المسيحي السرياني والمسيحي الأرمني...ما دام كلهم أخوة في العرگ..وليس في العراق.

وقصة الجاجيك..چان أكو ميخانة ببغداد صاحبها واحد أرمني أسمه (خاجيك) ومن أصول يونانية، والمعروف أن اليونانيين يقدمون أكلاتهم وي زلاطة الخيار باللبن، فجاب الأسطة (خاجيك) هذا الإختراع الثوري وگام يقدمه بالميخانة مالته...بس بقدرة واحد سكران فول أوبشن نزلت نقطة الخاء من فوگ الحرف وصارت جوا بعد ما كتب رسالة إلى صديقه بمدينة اخرى يخبره بان يجي لبغداد ويجرب مزّة (جاجيك) وما گدر ما گدر يسنتر وينيشن النقطة لأن چان مقندل طينة...وصارت مزّة خاجيك...مزّة جاجيك .وبالعافية