Facebook
حچاية التنگال PDF طباعة أرسل إلى صديق
الكاتب: الدكتور سعد العبيدي   
الأحد, 15 كانون2/يناير 2017 12:05

s3dal3bede copy
أزعج شي بليبيا من چانت عظمى، الاقامة لأن تركض وراها وتجيك نهاية السنة الدراسيهَ، والأزعج من تريد تطّلَعْ بالعطلهَ يريدوك تسوي معاملة خروج وعوده وهم تركض وراها من جديد. يبين إحنا هم صرنه عظمى لأن بصفي اثنين بالطيارة محومرين واحد يتأفأف، گلت عجيب وجهه يتر دم وهم مراضي. خلي اسئلهم. تبين يشتغلون بالعراق وعدهم فيزه، بس كلما يطلعون لازم يسوون خروجيه وهالمره تأخرت الخروجيه ومايكل راح عليه موعد ويه صديقته الي جايته من أمريكا لاسكتلنا. ردت أوگف بالطيارة وأصيح بعالي الصوت يا ناس أكثر الدول ما تختم جواز زوارها من يطلعون، شجانه احنه أشو الله مفضل علينه بوزراء خارجية بعد التغيير كلهم أجانب، وعصر الاستعمار والخوف منه راح الله وياه، علويش هاي التعقيدات، واچماله يريدون استثمار، من دبش يصير واحنا ما نحسب تأفأف مايكل من يتأخر على صديقته. وبدل ما أوگف رفعت إيدي وگلت ربي لا تسوينه دوله عظمى.