Facebook
خلي نسولف.. PDF طباعة أرسل إلى صديق
الكاتب: شوقي كريم حسن   
الأربعاء, 05 تشرين1/أكتوير 2016 20:25

shw8eeekreem copy
عندي سؤال محيرني صارله مدة طويلة.. والحيرة دفعتني للبحث والتقصي.. ولملمة المصادر اريد اوصل الاجابة ما وصلت.. من تريد تعرف شي عن الماركسية اللينينية تروح تقره ماركس ولينين وانجلز وجماعتهم ومن تريد تعرف شي عن الشيوعية تبدا بالف باء الشيوعية وتتورط.. ومن تريد تقره عن الاشتراكية الفابية المصادر معروفة ومن تريد تقره عن الاورو شيوعية .. بس تضغط تشوف البلاوي. ومن تريد تعرف القوميين العرب واحزابهم اكو طروحات ومصادر كلش هوايه.. المشكلة اني اريد الاحزاب والتيارات العراقية شنو اهدافهم. .. دولة اسلامية.. زين شلون وشنهي عوامل هاي الدولة وشنو علاقة الشركاء بهاي الدولة. وماهي القواعد والاسس التنظيرية لهذه الدولة.. طيب حركة الوفاق الوطني واياد علاوي شيريدون.. وشلون.. المؤتمر الوطني شيريدون وشلون.. الباقين 20 حزب شنو مفهومهم للحكم وشكل الدولة همه رأسمالية لو اشتراكية اسلامية لو شلون.. الموضوع يحير من صدك واريد اجابات.