Facebook
هاي شيحلها؟ PDF طباعة أرسل إلى صديق
الكاتب: الدكتور شاكر جواد   
الأحد, 10 كانون2/يناير 2016 11:50

 

shakerjwaaad copy
لايجوز تكرار النشر دون الاشارة لمجلة سطور

 

تحجي على عبد الكريم قاسم عبالهم انت سني ، تحجي على صدام حسين عبالهم انت شيعي، تناقش موضوع الاكراد بموضوعية، يسألك العرب اشكد دافعلك مسعود و بنفس الوقت يوصفك الاكراد بالشوفيني، تمدح العلمانية و تكول هي الحل يطلعوك ملحد ، تكول الاقتصاد التركي احد احسن الانظمة الاقتصادية بنسب النمو يطلعوك عثماني، تكول السعودية بيها اعلى نسب خريجين جامعات امريكية بين الدول العربية يطلعوك وهابي، تكول الحضارة الفارسية كانت رائعة و اغنت الحضارة الاسلامية يطلعوك مجوسي، تكول خطية اليزيديين اقلية و الكل يكرهوهم و داعش فاطت بيهم يكولك كلها دعاية خو جماعتنا هم فاطت بيهم داعش، تكول تجربة الامارات رائدة يجاوبوك بالسبعينات كانو حفاي و يطلعولك معايدة بيها صورة ساحة حافظ القاضي بالستينات، تكول حزب البعث السوري هو نسخة من العراقي يكولون لا انت طائفي السوري أحسن ، تكول يابة خل نتحالف ويه الغرب مثل الامارات و دول الخليج و نعيش في بحبوحة مثلهم يطلع لك 100 واحد يبيع وطنيات براسك و تاليها يخابرك بنص الليل يكلك بلكي تساعدني اريد اهاجر لامريكا .. تحجي على احزاب العراق الفاشلة يطلعلك مو واحد بل عشرة يسوون شكو فاسد و حرامي تاج فوك راسك ...بالنهاية اني اصلا اتحاشى و أخاف اجيب اسم جهة مقدسة لأن خط أحمر لا تروح تشور بيه ... فأحسن شي لواحد مثلي ينجب و يحترم نفسه و يسكت .. تالي يجيك ناس ما اعرفهم و الله و لا شايفهم و لا ادري اي شي عنهم .. عالخاص و يطلبون منك ان لا تسكت و يكولولك انت تعبر عن مشاعرنا الي نخاف ان نكولها لان يعلسونا و انت احد المنافذ الي تعبر عن افكارنا و ارائنا...انت احد المتنفسات النا في الجو الخانق الي نعيشه .. نريد نسمع صوت الوطن .. صوت العراق بدون طائفية و لا مناطقية و لا عشائرية و لا عرقية .. يابة يا معودين ترة آني على كد حالي ترة لا سياسي و لا صاحب طريقة .. اليجي ببالي احجيه مو أكثر !!! ...
هاي شيحلها؟ فكروا ويانه